9/5 深水埗社區地圖導賞團

十四個中六學生,跟著街坊黃生走,去了每月一次的社區放映的地方、北河街街市、已完成重建的丰匯及新亞紀念公園、重建進行中的海壇街,還有通州街臨時街市,了解街坊生活中的重要地方、舊區空間與基層生活的關係、重建對基層市民生活的影響。

相片回顧︰

第一張:黃生講述他以前經歷重建時所面對的問題
第二張及第三張:認識棚仔(欽州街臨時小販市場)小販的營生情況與他們近日面對的問題
第四張︰義工、同學分享感受,總結行程

20160509_120160509_220160509_320160509_4

廣告

北河小聚-講故‧音樂‧小食‧映畫戲 2/5晚

社區放映新搞作-
次次都係日光日白搞,
不如試下夜晚,或許會有另一種氣氛~

涼風夏夜,
到時大家齊齊聽下故(或者講埋一份)、JAM下歌,
輕輕鬆鬆吃吃喝喝,
兼夾睇下映畫戲,
係咪聽落都有些期待呢?

社區放映的老朋友,老b和雄仔叔叔今次也會一齊來北河小聚哦。你也一齊來啦~

主辦:影行者
協辦:社區互助發展行動

社區放映 x 真人圖書館 13/3(日)2:30pm

日期:3月13日(日)
時間:下午2:30 – 4:30
地點:深水埗福華街/北河街交界 恆生銀行門外空地

「社區放映 x 真人圖書館」節目豐富,有由工傷工友製作的短片,講述工作辛酸之餘,有份創作的工友會在現場同大家直接交流;另外仲有工傷工友、家屬和照顧者的相片展覽!

打工仔一旦工傷,對身體健康、家庭、工作和人際關係有好大影響。工友和家屬這些「過來人的經驗」,或許引起你的共鳴,也提醒大家注意開工安全和勞工權益。歡迎大家帶埋親戚朋友,一齊來參加社區放映!

每月一次‧社區放映‧街上見!

主辦:影行者
協辦:社區互助發展行動

20160313_1

20160313_2

深水埗租金調查結果

上年10月,「社區互助發展行動」做了個問卷調查,以街站和上樓的方式,訪問深水埗街坊的加租情況,同時了解街坊對限制加租幅度和保障租住權的看法。
成功訪問了75位街坊,現在看看結果:

Q1

我們發現,
九成受訪者的平均每年加租幅度在0-23%的範圍,
最誇張的曾加租67%,即係由$1000一加加到去$3000,真係好誇張呀!!!

Q1_B

*以35位提供足夠資料的受訪者作統計計算

問卷亦問到街坊,對於限制加租幅度保障住戶租住權的看法:

Q2
Q3

政府依家成日話有「自由經濟」、「大市場、小政府」,香港先會經濟好。在1998年和2004年取消租務管制的時候,就係用「經濟不景」來做藉口。
但係,小市民的生活無因為咁而有所改善,反而要捱貴租。租越加越多,俾唔起租就要諗搬,想安定生活都真係有難度。

唔想咁樣,可以點樣?
「互助」有無可能成為出路之一?
一齊同我哋諗下!

延伸閱讀:租管小知識

民生資訊分享工作坊

其實很多時,街坊都不求發大財,只求生活安穩豐足。
但面對衣食住行、柴米油鹽,樣樣都係錢,尤其屋租係咁加,人工就無乜加…想安穩都幾難…
以下是幾個基層家庭小故事,唔知當中有無你嘅心聲?

安穩住房-公屋篇
捱貴劏房的都想早日輪到公屋,不過聽陳太講,申請公屋,打回頭了兩次,搞到排公屋也未開始有得排。究竟什麼原因會被打回頭,如何避免?還有黃生一家,排公屋排左五年仍未有消息,常常苦惱,究竟有沒有方法得知還要排多幾耐才有公屋?還有張女士一家,她和家人都辛勞工作積勞成疾,曾聽說有特殊困難可加快上公屋,不過問來問去還是覺得一頭霧水。

生活補貼-交通津貼、低收入家庭津貼篇
何生住喺深水埗,一個月賺得八九千蚊,但係要去觀塘咁遠返工,人工咁就冇左一大截。有日,何生發現政府有鼓勵就業交通津貼同低收入在職家庭津貼,就諗:到底呢兩樣津貼佢有冇資格攞?有幾多錢?何生聽人講過「攞政府錢」唔好,但又覺得真係有需要,搞到個心十五十六…
(唔知各位街坊又有冇聽過呢兩個津貼呢?知唔知政府派津貼表面上益基層,但骨子裡其實都同時益緊大企業?點益法?嚟工作坊就知啦!)

俗語有云,年關難過年年過,歲首更新歲歲新。嚟「民生資訊分享工作坊」,讓我們透過資訊分享,一同想想如何讓大家的生活保障也可歲歲新吧!

日期及內容:4月10日 (日) 公屋申請
4月24日 (日) 交通津貼及低收入家庭津貼申請
5月15日 (日) 生果金、長者生活津貼申請及認識全民退休保障
時間:下午3:00-5:00
地點:深水埗(詳細地址會在確認參與後致電通知)
名額:15-20人 (三次工作坊都出席的街坊優先)
報名及查詢:66540537

工作坊已經順利完成~