齊齊來趁「心水墟」:12/8@南昌街基隆街交界休憩處

周末搵地方休息/打發時間,又唔想輕易俾錢消費,可以去邊?
來趁墟就最好不過!

「心水墟」又來喇,今次從北河街搬去南昌街
歡迎大家來見下面、睇片傾偈、交換禮物/資訊、自製清潔用的酵素/土炮玩具……
天南地北,大事小事,約定大家,在南昌街空地見~

日期:8月12日(六)
時間:下午3:00-5:00
地點:南昌街休憩處/基隆街交界(強記大排檔對面)
合辦:社區互助發展行動、影行者

廣告

深水埗租金調查結果

上年10月,「社區互助發展行動」做了個問卷調查,以街站和上樓的方式,訪問深水埗街坊的加租情況,同時了解街坊對限制加租幅度和保障租住權的看法。
成功訪問了75位街坊,現在看看結果:

Q1

我們發現,
九成受訪者的平均每年加租幅度在0-23%的範圍,
最誇張的曾加租67%,即係由$1000一加加到去$3000,真係好誇張呀!!!

Q1_B

*以35位提供足夠資料的受訪者作統計計算

問卷亦問到街坊,對於限制加租幅度保障住戶租住權的看法:

Q2
Q3

政府依家成日話有「自由經濟」、「大市場、小政府」,香港先會經濟好。在1998年和2004年取消租務管制的時候,就係用「經濟不景」來做藉口。
但係,小市民的生活無因為咁而有所改善,反而要捱貴租。租越加越多,俾唔起租就要諗搬,想安定生活都真係有難度。

唔想咁樣,可以點樣?
「互助」有無可能成為出路之一?
一齊同我哋諗下!

延伸閱讀:租管小知識

民生資訊分享工作坊

其實很多時,街坊都不求發大財,只求生活安穩豐足。
但面對衣食住行、柴米油鹽,樣樣都係錢,尤其屋租係咁加,人工就無乜加…想安穩都幾難…
以下是幾個基層家庭小故事,唔知當中有無你嘅心聲?

安穩住房-公屋篇
捱貴劏房的都想早日輪到公屋,不過聽陳太講,申請公屋,打回頭了兩次,搞到排公屋也未開始有得排。究竟什麼原因會被打回頭,如何避免?還有黃生一家,排公屋排左五年仍未有消息,常常苦惱,究竟有沒有方法得知還要排多幾耐才有公屋?還有張女士一家,她和家人都辛勞工作積勞成疾,曾聽說有特殊困難可加快上公屋,不過問來問去還是覺得一頭霧水。

生活補貼-交通津貼、低收入家庭津貼篇
何生住喺深水埗,一個月賺得八九千蚊,但係要去觀塘咁遠返工,人工咁就冇左一大截。有日,何生發現政府有鼓勵就業交通津貼同低收入在職家庭津貼,就諗:到底呢兩樣津貼佢有冇資格攞?有幾多錢?何生聽人講過「攞政府錢」唔好,但又覺得真係有需要,搞到個心十五十六…
(唔知各位街坊又有冇聽過呢兩個津貼呢?知唔知政府派津貼表面上益基層,但骨子裡其實都同時益緊大企業?點益法?嚟工作坊就知啦!)

俗語有云,年關難過年年過,歲首更新歲歲新。嚟「民生資訊分享工作坊」,讓我們透過資訊分享,一同想想如何讓大家的生活保障也可歲歲新吧!

日期及內容:4月10日 (日) 公屋申請
4月24日 (日) 交通津貼及低收入家庭津貼申請
5月15日 (日) 生果金、長者生活津貼申請及認識全民退休保障
時間:下午3:00-5:00
地點:深水埗(詳細地址會在確認參與後致電通知)
名額:15-20人 (三次工作坊都出席的街坊優先)
報名及查詢:66540537

工作坊已經順利完成~

草紙論壇 9/1 3:00pm

今次草紙論壇的主題︰退保諮詢搞乜東東

全民退保係乜野?同大家有咩關係?
「不論貧富」、「有經濟需要」-政府的兩個方案之外,原來仲有民間方案?!
論壇請來社區互助發展行動代表深水埗街坊阿ann,爭取全民退休保障聯席代表劉有珍
同埋咁多位深水埗街坊來,交流大家的想法!

日期:2016年1月9日 (六)
時間:下午3時
地點:深水埗福華街/北河街交界,恆生銀行門外空地
電話:6677-2743/6654-0537

每月一次,社區電視,街上見!

主辦:影行者
協辦:社區互助發展行動、草根.行動.媒體
嘉賓:爭取全民退休保障聯席代表 劉有珍、
社區互助發展行動代表 深水埗街坊阿ann

20160110_2

託兒有幾難

一般要上班賺錢養家的家長,都有託兒的煩惱。又唔想犯法,又負擔唔起昂貴的私家託兒服­務……政府是否可以俾多啲支援呢?

有同樣託兒需要的街坊何生,落手落腳製作短片,同大家講下託兒困難和想像可行出路。

共同製作:何生、小明、小吉
協力:影行者


製作過程:
Untitled-2

於社區放映分享、交流: photo_2015-10-30_18-20-46

工傷權益-抉擇知多少? how much do you know about work injury compensation?

(with english subtitle on youtube)

萬一不幸遇上工傷,雖然勞工法例有保障工傷工友的權益,
不過真係有好多陷阱,你一定要知。
作為工友,到底要如何做抉擇?
做錯抉擇可能有什麼後果?
老闆話冇得追工傷,是否就是冇得追?

這次社區互助發展行動的城哥,和實習同學共同構思製作這條短片,
大家無論自己或親友,都一定有人打工,
咁就一定要睇下這條影片啦!

共同製作:城哥、文如、善怡、阿榆
協力:杰、Ann、影行者